ԱՆՁԻ ՀՈԳԵՎՈՐ ԶԱՐԳԱՑՈՒՄԸ ՀՈԳԵՍԻՆԹԵԶԻ ՏԵՍԱՆԿՅՈՒՆԻՑ – Ռ․ ԱՍԱՋՈԼԻ

Մարդու հոգևոր զարգացումը երկար ճամփորդություն է անծանոթ տարածքներով, որտեղ քեզ սպասում են բազում դժվարություններ, նույնիսկ վտանգներ և անսպասելի շրջադարձեր։ Այն ենթադրում է անձի «նորմալ» գծերի արմատական վերակազմավորում, դեռևս չդրսևորված հատկությունների բացահայտում, զարթոնք, դեպի նոր ոլորտներ գիտակցության ընդլյանում, ինչպես նաև՝ գործունեության նոր ներքին ուղղվածություն։ Հստակության համար մենք կառանձնացնենք չորս գերզգայուն փուլեր։

1․ ճգնաժամ, որը նախորդում է հոգևոր զարթոնքին։
2․ Ճգնաժամ՝ պայմանավորված հոգևոր զարթոնքով։
3․ Հոգևոր զարթոնքի նկատմամբ հակազդումներ։
4․ Վերակառուցման կամ վերակազմավորման փուլերը։

Մենք այստեղ գործածում են «զարթոնք» հասկացությունը, քանի որ այդպես ավելի հստակ կարելի է պատկերացնել նոր փորձի ընդունման համար պատրաստ գիտակցությունը՝ փորձի, որի ըմբռնումը ժամանակին անմատչելի էր ներքին ռեալության համար։